Baao, Camarines Sur -- Sarong most wanted person sa region 4-A an naarestar igdi sa probinsiya nin Camarines Sur huli sa kasong panggagadan nin sarong pulis. Nabisto an nasabing akusado na si Eddie Llamas,41, alyas Boy Negro na taga-Mobo, Masbate na igwang patong sa payo nin kantidad P145 mil. Sigon ki PNP Provincial Cirector Police Senior Supt. Rodolfo Llorca, natuklo an nasambitan na persona sa Sagrada, Baao, Camarines Sur makalihis an halawig na panahon na pagmamanman sa saiya. Nabisto man an ginadan kani na si PO2 Renato Prisnillo kung haen nangyari an panggagadan sa biktima kan nakalihis pang October 2, 2002 sa Taytay, Rizal. Pinagpi-preparar na man ngonian an pagdara sa akusado sa lugar kung saen ini naka-komitir nin krimen.
RSS Feed