Legazpi City -- Determined to wage war against illegal drugs in this city, the City Anti Illegal Drug Council (CADAC) formed a special action group to intensify intelligence operations and raids on suspected illegal drug lairs. City Mayor Noel Rosal said on Friday, the increasing incidents of drug abuse here is quite alarming following reports that 15 people from this city have been committed to a drug rehabilitation center in Malinao, Albay, and 13 of whom have been found to be "psychotic" and need to be moved to a mental institution. Rosal said "the drug situation here is indeed serious and I am putting pressure on it by intensifying our intelligence operations." "The special action group, composed of narcotic agents from the police and other law enforcement agencies, will be holding intelligence operations and raids on suspected illegal drug syndicates, peddlers, safe houses including drug users", he pointed out. The Philippine Drug Enforcement Agency at the CADAC meeting held on Thursday reported that of the 70 villages of the city 10 are either considered drug infiltrated or drug influenced areas. Arlene Bonavente, PDEA Intelligence Officer said her agency is hot on trail against illegal drug peddlers operating in the high risk villages of Sabang, Victory Village, Barriada, Pigcale, Dap-Dap, Bigaa, Oro Site, Cruzada and two other villages in the southern part of this city. Bonavente said barangay Sabang, a coastal village in this city is considered as the drop point of illegal drugs. She reported that Shabu and Marijuana are the frequently bought illegal drugs by drug users. She also said that 36 drug-related cases are presently being tried in local courts here.

Camarines Norte – Pinahiwas pa ngonian kan mga awtoridad an paghanap sa mga suspetsado sa panggagadan sa chief of staff ni Compostela Valley Cong. Manuel “Way Kurat” Zamora. Ini makalihis na mapag-araman na taga-Camarines Norte an maysadiri kan van na ginamit kan tolong armado na buminadil sa staff kan kongresista na si Robert Delano. Magigirumdoman na nagadan an biktima kan nakalihis na petsa kan presenteng bulan mientras na paluwas sa saiyang harong sa Quezon City. Sa naging pahayag man man kan Camarines Norte Provincial Office, nakipag-koordinar na sa sainda an pamayo kan Task Force Delano na si Sr. Supt. Franklin Moises Mabanag nganing maaraman ang iniistaran kan maysadiri kan behikulo. Sinabi man ni Col. Noel Constantino, an Provincial Director kan Camarines Norte, nagpaluwas na siyang kasuguan sa saiyang mga kabuhan na magkondukta nin beripikasyon mapapadapit sa ipinaabot sa saindang impormasyon. Napag-araman na nakarehistro an sasakyan sa ciudad kan Pasig alagad an address kan maysadiri iyo digde sa Bicol. Nagsayuma man na ibulgar kan pulisya an eksaktong address alagad ini an nakaistar so boot sa sarong subdivision.

Naga City-- Nakatalaan na man na sangatan nin magkakanigong kaso an driver kan motorsiklo na ginamit sa panggagadan ki dating Market Supt. Paco Ojeda kan bulan na Agosto. Sosog ki Mayor Jesse Robredo, bistado na an nasabing suspetsado na so boot kaibahan kan saro pang iniimbuelto na si Michael Billodo. Mientras tanto, mayo pa man nin pangaran kan driver na pigpaluwas an opisyal siring man an mga otoridad. Kasumpay kani, ipinahayag ni robredo na an pagkaka-imbuelto ni Billodo sa nasabing krimen an nag-agui sa magkakanigong proseso. Bahala na man an husgado na magdesisyon kun talagang igwang pagkaisi an nasambitan na persona sa krimen. Mientras tanto, tinawan doon kan alkalde na igwang duwang testigo an nagbisto ki Billodo bilang iyo an gunman sa paggadan ki Ojeda. Sa katunayan igwa man daa sa saindang nagdolok na sarong persona na sinaksak so boot ni Billodo kun kaya nagtotobod siya na igwang kapasidad an nasabing akusado na makaginibo nin siring na krimen.

Pili, Cam. Sur – Todo pahimutik an ginibo kan suspetsado sa pagtanom nin sampolong poon nin marijuana sa barangay Curri sa banwaan kan Pili, Camarines Sur. Ini an naging pahayag kan nakakunkon na ngonian na si Noel Marabella, 43 anios kan Sitio Boncayao kan nasabing barangay makalihis na dacopon kan mga pulis. Ibinulgar man ni Marabella na an totoong kagsadiri kan nasabing tanom na marijuana iyo an nagngangaran na Jesse Almojano. Si Allmojano an nakatalaan man na imbitaran kan pulisya tanganing imbestigaran. Enot kani, nagpaabot man daa nin impormasyon an mga barangay officials sa PNP dapit sa tanom na mga marijuana dalan para magsakyada sa lugar an mga kabuhan kan pulisya. Mientras tanto, igwa pa man daang mga patanuman nin marijuana sa banwaan kan Pili an nakatalaan na sakyadahon kan PNP sa mga maabot na aldaw.

Masbate - Limang parasisira an nagadan sa pagsabog kan homemade bombs sa provincia kan Masbate. Sa impormasyong ipinaabot ni Police Senior Supt. Reuben Theodore Sindac kan Masbate PPO asin Col. Eliazar Bron, PIO kan PRO5 na an mga biktima iyu an binistong sinda Noel Banez y Dela Cruz, 45 anyos, Genelito Banez y Dela Cruz, 37 anyos, Robell Gajupo y Recto, 29 anyos, Ruby Morales, 23 anyos asin Francis Ayos y Tornea, 23 anyos; anas residentes kan Bgy. Pajo banwaan kan Balud, nabanggit na provincia. Bandang alas-4:30 kasuogma mantang naggigibo nin improvised explosives an mga biktima na gagamiton kutana sa illegal fishing kan aksidenteng masabugan an mga ini. Dead on the spot si Robell Gajupo asin Francis Ayos mantang dead on arrival man sa Balud hospital si Genelito Banez. Sinda Noel Banez asin Ruby Morales iyu an binawian nin buhay sa MMG hospital mantang pigbubulong kan mga doktor huli naman sa sinapo na lugad sa manlaen-lae na parte kan saindang lawas. Katakud kani, pinagirumduman kan mga otoridad an mga parasisira na dai na magsagibo nin illegal fishing sa kadagatan kan Masbate nganing maibitaran an kaparehong insidente. Higot man na pig-iimbestigaran ngonian kan Balud PNP asin Masbate PPO an nangyaring insidente.

Legazpi City - Kasunod kan serye nin pang-aatake kan mga miembros kan rebeldeng New People's Army (NPA) sa nagkatolong provincia sa Bicol kan nagtalikod na mga aldaw, urog pang hinigutan ngonian kan mga militar siringman pulisya an saindang operasyon kontra sa mga rebelde. Magigirumduman na enot ng pinagharass kan mga miembros kan SPARU unit kan NPA an 5th PRMG detachment sa Bgy. Taysan digdi sa Legazpi sa Albay, pigsundan man kan pagpapasabog sa globe cellsite sa banwaan kan Sta. Elena Bgy Tabugon, Camarines Norte kun saen totally damaged an bintana kan harong ni Bgy Kapitan Arestio E. Jopio asin an pinakahuri iyu an engkwentro na nangyari kasuogmang pagkaaga sa pagultanan kan nasa 30 miembros kan rebeldeng NPA asin scout rangers na ikinairido ni PFC Baglinit mantang dai pa man madeterminaran kun nagkapira sa lado kan mga rebelde. Alagad sa ipinaluwas na statement kan CPP-NPA-NDF Bicol, mayong nakulgan sa saindang lado huli ta tulos man na nakaibitar an mga ini. Magigirumdumang Agosto presenteng taon kan sunod-sunod man na atakehon kan mga rebelde an globe cellsites sa Bicol asin panghaharass sa mga detachment kan PNP asin militar.

Naga City – Sarong 22 anios na soltero an nagdesisyon na tapuson an saiyang buhay makalihis na magkaigwa sindang iwal kan saiyang ilusyon. Sa imbestigasyon kan Naga City Police Office, an pagbigti kan biktimang si Real Delos Santos y Buñag matapos na magkaigwa sindang diskusyunan kan ilusyon na si Lalyn Bendejo y Gonzales,18, na parehong taga-Del Rosario, Pamplona, Camarines Sur. Nadukayan an biktima na nakabitay gamit an lubid nin abaka sa pinag-aarkilahan na boarding house sa Zone 1, Sta. Cruz Puro, Naga City. Napag-araman na nagta-trabaho sa sarong resto bar an biktima. Kan magresponde an mga pulis dae na man naabutan na nakabitay si Delos Santos huli pinag-agapan na ini kan saiyang mga ka-boardmate. Nadara pa man kuta an biktima sa ospital an biktima alagad ini an pigdeklarar kan mga doktor na dead on arrival.

Paracale, Cam. Norte - Higot pa man giraray an pagtutok ngonian kan Departamento de Salud sa anumang masunod na pwedesir na mangyari sa walong baranggay sa banwaan kan Paracale, Camarines Norte matapos na magdeklarar nin malaria outbreak an DOH kan nakalihis na bulan huli naman sa biglaan na pagsakat kan numero kan malaria sa lugar. Segun ki Camilo Aquino kan Communicable Disease Prevention Cluster kan DOH, saindang higot na pigmomonitor an development sa lugar dahilan sa makusog pa man soboot an potensyal na magbalik an helang dahilan ta dai man basta-basta nawawara an bacteria sa lawas kan tawo na nagkaigwa nin malaria. Ipinag-insister ni Aquino na makusog pa man an posibilidad na magbalik an helang kun kaya haloy an pag-bantay sa siring kaning helang.Sinabi pa kani na apwera sa banwaan kan Paracale, an kataid na banwaan na Jose Panganiban iyu an saro man soboot sa potential na magkaigwa nin malaria dahilan sa palibot kani kun kaya higot man ninda ining pigbabantayan.

Sorsogon – Nairido an sarong miembro kan scout rangers kan Philippine Army sa nangyaring engkwentro sa pag-ultanan kan mga rebeldeng New People's Army (NPA) asin militar sa provincia kan Sorsogon. Bandang alas-6:15 kansoogmang pagkaaga kan makaengkwentro kan sarong section kan scout rangers na pinamamayuhan ni Lt. Custodio an kinakarkulong nasa 30 miembros kan NPA sa Barangay Nazareno, Gubat. Nagdurar nin 45 minutos an ribayan nin putok kan ag-ibong na lado na nagresulta sa pagkakairido ni Private First Class Baglinit na tinamaan nin shrapnel kan M203 mantang dai man maaraman sa lado kan mga rebelde. Narecover sa lugar kan insidente an kagamitan asin dokumentos kan mga NPA, 1 icom radio, medical tools, 4 claymore mines asin 1 gitara. Mientrastanto, sa ipinaluwas na statement kan CPP-NPA-NDF Bicol, ipinahayag kan tagapagtaram kani na si Ka Greg Bañares na nagpalyar na makubkob kan militar an saindang pigtataguan asin sinabing mayong nagadan sa saindang lado dahilan sa ligtas na nakadulag an saindang mga pag-iriba mantang dai man soboot maaraman an WIA asin igwang nagadan sa lado kan tropa kan gobierno.

Camarines Norte - Makalihis i-harass an detachment kan Regional Mobile Group (RMG) sa ciudad nin Legazpi kan nakalihis na aldaw, mag-uumagahon kansoogma kan atakehon kan mga miembros kan rebeldeng New People's Army (NPA) an globe cellsite sa provincia kan Camarines Norte. Bandang alas-12:26 nin mag-umagahon kan sakyadahon asin laugon an lugar kan kinamumugtakan kan tower kan globe sa Bgy. Tabugon, Sta. Elena. Basado sa inisyal na imbestigasyon kan Sta Elena PNP asin Camarines Norte PPO, pinagputol kan mga rebelde an cyclone wire nganing makalaog sa lugar asin kan nasa laog na an mga ini pinag-apunan nin improvised explosive device an ibabang parte kan tower. Huli naman sa impact kan pagsabog, nagkaigwa nin partial damage an tower mantang an bintana man sa residensya ni Bgy. Captain Arestio E. Jopio an totally damaged alagad mayo man na naireport na nagkaigwa nin casualties.Nagpapadagos sa ngonian an hot pursuit operation kan mga otoridad kontra sa mga nakadulag na miembros kan rebeldeng NPA asin pighigutan na man an seguridad pati na man sa mga pagtaraid na lugar.