Penalty sa paagui kan blood donation, pinaboran kan PNRC

Naga City -- Inoyonan ngonian kan Philippine National Red Cross digde sa Camarines Sur an nakapalaman sa sarong proposed ordinance na ipataw na penalidad an pagdonar nin dugo. Sosog ki Tony Macatangay kan PNRC, mas maray an nasambitan na lakdang tanganing mapakosog an blood donation orog na ngonian na talagang kaipuhan an dacol na suplay nin dugo dara kan kakulangan kani. Enot man kani, nakapalaman an nasabing penalidad sa propuestong ordinansa sa Naga City na kung haen an siisay man na mabalga sa dae pagpaparehistro kan helmet kan mga nagmomotor an kaipuhan na pelaran sa paagui kan pagpapamulta asin pagdonar nin dugo. Sinabi kan PNRC na iniimporsar na man an naunambitan na lakdang alagad pipira sana man an nag-ootob huli sa an mas mayoriya mas pinipili na magbayad na sanang kwarta tanganing dae mapendiente nin halawig na oras.