LEGAZPI CITY-- Nailubong na an bangkay kan tolong bulan na omboy na pigsaksak kan saiya man sanang sadiring ama digdi sa Legazpi City. Sigon ki Major Rolly Esguerra, hepe kan Legazpi city PNP na kasuogmang hapon kan diretso ng ihatod kan mga kaparyentes kani sa Legazpi City Public Cemetery an bangkay kan biktima. Maguiguirumduman kan nakalihis na aldaw nin Lunes kan mangyari an makangurungirhat na paggadan kan suspetsado na si Rudy Briones kan Barangay San Roque, Legazpi sa saiyang sadiring aki kun saen pinagsaksak ini kan 18 pulgadang patarom na tuminagos hasta likod kan omboy na iyu an kawsa kan tulos kaning pagkagadan. Sinasabing rason kan pananaksak iyo na dae na kayang tustusan ni Briones an gatas kan aki. Mientrastanto, guikan sa PNP Headquarters naibalyo na man sa City Jail an suspek makalihis na pormal ng sangatan nin kasong parricide sa piskalya kan nakalihis na aldaw.
RSS Feed