Naga City -- Padagos pa man ngonian na matumal an bentahan nin sira sa laog kan merkado publiko kan ciudad nin Naga. Ini sa ibong man kan naging pahayag kan mga nanunungdan gikan sa Department of Health asin kan Bureau of Fesheries and Aquatic Resources na salbadong kakanon an mga sira na gikan sa kadagatan kun saen nadukayan man an bangkay kan mga pasahero kan naglubog na barko kan MV Princess of the Stars duman sa Romblon. Magigirumduman na magpoon sana kan igwang marecover na mga bangkay sa kadagatan kan Pasacao, Libmanan, Bula, anas sa Camarines Sur; Burias asin San Pascual sa Masbate, bibihira na man magbakal nin sira an publiko huli sa pagkatakot na baka nagkakan nin lawas kan tawo an mga sira sa kadagatan. Huli kani, grabe an pag-agrangay ngonian kan mga parasisira huli sa haros mayo nang nagbabakal kan saindang nadadacop na sira. Nanotaran man na tilapya asin bangus na sana an pinagbabakal kan mga kustomer asin naging mabenta man ngonian an karneng manok asin orig.
RSS Feed