Masbate – Pinagbabadil-gadan kan dai pa madeterminaran na mga armadong kalalakihan an sarong lineman sa provincia nin Masbate. Pinagbisto an biktima na si Jaime Nava y Cebu, 42 anyos, residente kan Bgy. Poblacion Batuan, asin lineman kan Ticao Island Electric Cooperative (TICELCO). Basado sa impormasyon kan Masbate PPO, bandang alas-7:40 nin pagkaaga kasuogma mantang pasiringon sa TICELCO sa San Jacinto kan pag-abot soboot sa may parte kan Sitio Sirangan, San Fernando kan bigla na sanang pagbabadilon kan nasa walong kalalakihan na nakasulot nin camouflage. Huli naman sa sinapo na tama nin bala sa manlaen-laen na parte kan saiyang lawas kun kaya tulos man ining binawian buhay. Pinaglalay man gikan sa biktima an cellphone, wallet na pano nin cash huli ta gikan pa sana man ini sa pagkolekta asin mga personal na gamit. Narecover man sa pinangyarihan kan insidente an duwang basyo kan M-16 rifle.Sa ngonian padagos na pig-aaram kan mga otoridad an pinakamotibo sa sinambit ng pambabadil.
RSS Feed