Biyahe sa ultimong aldaw kan transport strike sa Bikol, 98% paralisado

Albay - Ipinahayag Joel Ascutia, chairman kan Condor Piston Bicol na 98% naparalisar an biyahe kan mga pampublikong lulunadan sa rehiyong Bikol sa ikaduwang aldaw kan saindang transports strike. Sinabi ni Ascutia na 100% na paralisado an biyahe sa Sorsogon, 99% sa Albay, 98% sa Camarines Norte asin Catanduanes mantang 70% sa Camarines Sur asin mayong nakisumaro sa provincia kan Masbate dahilan sa mawot soboot kan transport groups duman na magsaguibo na sana nin rally. Maguiguirumduman na kasuogma dai nakisabay an provincia kan Catanduanes sa primerong aldaw kan untok-pasada alagad ngonian na pagkaaldaw nakisumaro ini. Mientrastanto, sa kabilugan nagin matrangkilo man an pagsasaguibo kan duwang aldaw na untok-pasada kan transport groups sa Bicol region na katuyuhan na ipaabot sa gobierno an pagkontra sa padagos na paglangkaw kan presyo kan produktong petrolyo sa nasyon.