Bicol, liwat na pigtanyog kan linog

Naga City – Duwang magkasuhay na linog an liwat na nagtama ngonian na aldaw sa rehiyon kan Bicol asin sa iba pang parte kan Norteng Luzon. Sosog sa United States Geological Survey, pigyugu-yugo nin magnitude 4.9 na linog an Bicol mantang magnitude 3.2 man an nagtama sa ciudad kan Baguio. Mientras tanto, mayo man nin naireport na danyos o casualty kasumpay kan nasabing insidente sa parehong lugar. Basado sa USGS, bandang alas-8:29 subagong aga kan tanyugon kan linog an Bicol kung saen an epicenter kani an nagtama sa distansiyang 65 kilometro kan sirangan-timog-sirangan kan Legazpi City sa Albay. Sa ibong na lado, sinabi man kan Philippine Institute of Volcanology and Seismology na nairehistro an magnitude 3.2 na linog sa Norteng Luzon. Tectonic an origin kan linog na namate-an man an epekto sa iba pang parte kan nacion. Madiklom man daa an paglaom na magkaigwa nin aftershocks, sigon pa man sa Phivolcs.