Camarines Sur-- An mga probinsiya kan Camarines Sur, Albay, Sorsogon asin Catanduanes digde sa Bicol asin Catbalogan sa Samar an pigyugu-yugo ngonian na banggui kan 4.8 magnitude na linog. Ipinahayag ni Director Renato Solidum kan Phivolcs Manila na an epicenter kan paglinog an igwang distansiyang 52 kilometro Norteng-Sirangan kan Virac, Catanduanes. Namatean an nasabing pagtanyog bandang alas-8:05. Intensity 4 an namatean sa ciudad kan Legazpi sa Albay asin Sorsogon city; intensity 3 man sa Irosin sa Sorsogon mantang intensity 2 sa Catbalogan, Northern Samar. Sosog sa Phivolcs tectonic an origin kan nasabing linog. Sinabi pa ni Director Solidum igwa pa man nin relasyon sa nakalihis na pagyugu-yugo ang linog ngonian kung saen pigkokonsiderar ining aftershock kan 5.8 magnitude kan Agosto 25.